"Сапасы сын көтермейді": тұрғындар автомобиль жолына жасалып жатқан жөндеу жұмыстарына наразы

Облыс әкімінің телеграм-арнасында ақтаулық тұрғын Толқын 1 және Толқын 2 ш/а арасындағы автомобиль жолына жасалып жатқан жөндеу жұмысына көңілі толмайтынын айтты. Желі қолданушысы жауаптылардан сапасы сын көтермейтін жұмысты және орындаушы мекемені тексеруді сұрайды, деп хабарлайды mangystaumedia.kz сайты.

- Толқын 1 мен Толқын 2 арасындағы жолдарды жөндеу жұмыстары басталған екен. Өкінішке қарай, жол салушы мекеме жұмысын дұрыс орындамай жатыр. Асфальт жолдың бұзылған жерлерін қалай болса – солай ойып тастаған. Шұңқырларды тазаламаған. Жұмыс материалдары да күмәнді көрінеді. Осылай жасалған жол бір жаңбырдан кейін шашылып қалады ғой. Құрметті әкімдік өкілдері, шығып, тексеруіңізді және қадағалауыңызды өтінемін,- делінген тұрғынның хабарламасында.

Бұл шағымға Ақтау қаласы әкімдігінің мамандары жауап берді. «Жолаушылар көлігі және автомобиль жолдары» ММ өкілдердері айтылған сын негізінде жақын арада тексеріс жүргізетінін айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.